Дастаи мунтахаби футзали Тоҷикистон таҳти роҳбарии Пайрав Воҳидов дар доираи омодагӣ ба қисми ниҳоии Ҷоми Осиё-2024 рақобатҳои санҷишии навбатиро баргузор намуд.
Футзалбозони Тоҷикистон дар шаҳри Тошканд бо тими миллии Ӯзбекистон ду бозии дӯстона анҷом доданд. Ҳарду бозӣ ба фоидаи мизбонон – 5:2 ва 3:2 анҷом ёфт.
Дастаи футзали Тоҷикистон қаблан бо тимҳои миллии Кувайт (3:3, 2:4) ва Арабистони Саудӣ (1:2, 2:4) ҳам бозиҳои рафиқона баргузор карда буд.
Қобили зикр аст, ки дар Ҷоми Осиё-2024, ки аз 17 то 28 апрел дар Тайланд баргузор мешавад, мунтахаби Тоҷикистон дар гурӯҳи «С» бо дастаҳои Кореяи Ҷанубӣ (18 апрел), Қирғизистон (20 апрел) ва Ҷопон (22 апрел) нерӯ месанҷад.