Рӯзи 2-юми март, дар “Кохи Парфенон”-и шаҳри Душанбе қуръакашии тақвими бозиҳои Coca-Cola чемпионати Тоҷикистон-2022 байни дастаҳои лигаи олӣ баргузор шуд.
Дар 31-умин чемпионати футболи Тоҷикистон даҳ дастаи лигаи олӣ – «Истиқлол», КМВА (ҳарду аз Душанбе), “Хуҷанд”, “Эсхата” (ҳарду аз Хуҷанд), “Истаравшан” (Истаравшан), “Хатлон” (Бохтар) , «Файзканд» (Восеъ), «Равшан» (Кӯлоб), «Регар-ТадАЗ» (Турсунзода) ва «Равшан» (Зафаробод) – иштирок мекунанд.
Тибқи тақвим бозиҳои даври аввали Coca-Cola чемпионати Тоҷикистон-2022 рӯзҳои 2-3 апрел баргузор мешаванд.
Coca–Cola чемпионати Тоҷикистон-2022
Лигаи олӣ. Даври 1-ум
2-3 апрел (шанбе, якшанбе)
«Эсхата» – «Хуҷанд»
«Файзканд» – «Истаравшан»
«Хатлон» – «Равшан» (Кӯлоб)
«Истиқлол» – КМВА
«Регар-ТадАЗ» – «Равшан» (Зафаробод)
Чемпионати имсолаи Тоҷикистон рӯзи 2 апрел оғоз шуда, дар ду марҳила доир мегардад. Дар марҳилаи аввал ҳамаи даҳ даста дар ду қисм бозӣ мекунанд. Сипас, дар марҳилаи дуюм дастаҳо ба ду гурӯҳ тақсим мешаванд ва имтиёзҳои дар марҳилаи аввал ба даст овардашуда нигоҳ дошта мешаванд.
Аз рӯи натоиҷи марҳилаи аввал панҷ дастаи беҳтарин дар гурӯҳи «А» тиби қистемаи даврӣ дар як қисм бозӣ карда, барои ҷойҳои аз 1-ум то 5-ум дар ҷадвали мусобиқа талош меварзанд.
Панҷ дастаи боқимонда дар гурӯҳи «В» дар як қисм бозӣ карда, барои ҷойҳои аз 6-ум то 10-ум ва нигоҳ доштани мавқеашон дар лигаи олӣ мубориза мебаранд. Ду дастаи ҷойҳои охири ҷадвали мусибиқа ба лигаи аввал мегузаранд. Дар маҷмӯъ ҳар даста дар чемпионати имсолаи Тоҷикистон ҳамагӣ 22 бозӣ анҷом медиҳад.