Имрӯз, 12-уми август дар Душанбе бозиҳои ниҳоии чемпионати Ассотсиатсияи футболи Осиёи Марказӣ байни дастаҳои ҷавонони то 19-сола баргузор мешаванд.
Пас аз чаҳор давр тими миллии Тоҷикистон бо шаш имтиёз дар садри ҷадвал қарор дорад. Се даста – Эрон, Ӯзбекистон ва Қирғизистон 5-имтиёзӣ доранд.
Имрӯз соати 18:00 вохӯрии дастаҳои Афғонистон ва Ӯзбекистон оғоз мешавад. Сипас, соати 21:00 дастаҳои ҷавонони Тоҷикистон ва Эрон бо ҳам вомехӯранд.
Бояд қайд кард, ки даромад ба Варзишгоҳи марказии Душанбе ройгон аст. Ҳамаро ба тамошои футбол даъват мекунем!
Чемпионати CAFA-2022 миёни мунтахабҳои то 19 сола
Даври 5
12 август (ҷумъа)
18:00 – Афғонистон – Ӯзбекистон
21:00 – ТОҶИКИСТОН – Эрон
Душанбе, Варзишгоҳи марказии ҷумҳуриявӣ