«Истиқлол»-и Душанбе дар доираи ҷамъомади омӯзишӣ-машқии худ дар Анталияи Туркия бозии ҷамъбастии саҷишияшро гузаронд. Дружинаи Мубин Эргашев бо чемпиони дукаратаи Қазоқистон «Шахтёр»-и Қарағанда вохӯрда, бозиро мусовӣ 2 бар 2 анҷом дод. Голҳои дастаи моро Аҳтам Назаров ва Акмал Холматов ба самар расонданд. Бо ҳамин чемпиони феълии Тоҷикистон ҷамъомади дуюми омӯзишию машқии зимистонияшро анҷом карда, пагоҳ ба Ватан бармегардад. Ёдрас мешавем, ки «Истиқлол» бозии нахустини худро дар доираи марҳилаи гурӯҳии Ҷоми КФО-2016 рӯзи 23 феврал дар Варзишгоҳи марказии Душанбе бо «Ал-Файсали»-и Урдун мегузаронад.
Бозии санҷишӣ
«Истиқлол» – «Шахтер» – 2:2
Голҳо: Луис Фернандо Копете, 34 (0:1). Аҳтам Назаров, 42 (1:1). Руслан Кенетаев, 65 (1:2). Акмал Холматов, 75 (2:2).
«Истиқлол» (Тоҷикистон): Никола Стошич, Давронҷон Эргашев (Сиёвуш Асроров, 46), Петро Ковалчук, Ҷаҳонгир Ҷалилов, Маҳдӣ Чоҳҷӯӣ, Нуриддин Давронов (к), Парвизҷон Умарбоев (Александр Каблаш, 46), Дилшод Восиев (Фаридун Шарипов, 46), Фатҳулло Фатҳуллоев (Ҷаҳонгир Алиев, 46), Аҳтам Назаров (Акмал Холматов, 46), Манучеҳр Ҷалилов (Нозим Бобоҷонов, 68).
«Шахтёр» (Қазоқистон): Рушинас, Габишев, Фернандо (Дубков, 71), Арзуманян (Киров, 46), Горячий, Пикалкин, Пепе (Осей, 55), Ермеков (Кенетаев), Ягуби, Зенели, Воробев (Ветров, 63).
Огоҳонида шуданд: Нуриддин Давронов, Парвизҷон Умарбоев.
12 феврал. Анталия. Майдони тамринии «Мардон Палас».
Натоиҷи бозиҳои санҷишии «Истиқлол» дар Анталия:
03.02.16. «Истиқлол» – «Варда» (Маҷористон) – 1:3
06.02.16. «Истиқлол» – «Тараз» (Қазоқистон) – 2:2
09.02.16. «Истиқлол» – «Виттлих» (Олмон) – 4:0
12.02.16. «Истиқлол» – «Шахтёр» (Қазоқистон) – 2:2