Дар доираи омодагӣ марҳилаи интихобии чемпионати Осиё-2016 мунтахаби миллии футзали Тоҷикистон рӯзи 6 август дар Дубай бо мунтахаби миллии футзали Имороти Муттаҳидаи Араб вохӯрии дӯстона гузаронид. Бозӣ хеле шавқовар сурат гирифта бо ҳисоби 5 бар 3 ба фоидаи соҳибони паркет анҷом ёфт.
Голҳои мунтахаби футзали моро Шавкат Ҳалимов, Шерзод Ҷумаев ва Некрӯз Алимаҳмадов ба самар расониданд.
Мунтахаби футзали Тоҷикистон бо чунин ҳайат бозиро оғоз кард: Фирӯз Бекмуродов – Шерзод Ҷумаев (капитан), Раҳмоналӣ Шарипов, Маҳаммад Раҳмонов, Ораз Ализода.
Рӯзи шанбеи 8 август мунтахабҳои миллии Имороти Муттаҳидаи Араб ва Тоҷикистон боз як бори дигар бо ҳам вомехӯранд.