Дастаи наврасони Тоҷикистон (U-17) дар доираи омодагӣ ба қисми ниҳоии Ҷоми Осиё-2025 барои ҷамъомади таълимиву тамринӣ ба Анталия рафт.
Сармураббии мунтахаби наврасони Тоҷикистон Марко Раҷини ба ҷамъомади таълимиву тамринӣ дар Туркия 26 бозигар – 3 дарвозабон, 7 ҳимоятгар, 12 нимҳимоятгар ва 4 ҳамлагар – даъват кард.
Дар барномаи ҷамъомади таълимиву тамринӣ, ки аз 8 то 24 январ идома мекунад, мунтахаби наврасони мо панҷ бозии санҷишӣ мегузаронад.