Ба далели он ки тими миллии Афғонистон имкони мизбонии бозиҳои байналмилалиро надорад, Федератсияи футболи ин кишвар Душанберо макони бозиҳои хонагӣ дар марҳилаи интихобии Ҷоми ҷаҳон-2026 интихоб кардааст.
Дар даври аввали мусобиқоти интихобии Ҷоми ҷаҳон-2026 мунтахаби Афғонистон бо тими Муғулистон бозӣ мекунад. Вохӯрии аввал 12 октябр дар Варзишгоҳи марказии Душанбе баргузор шуда, соати 19:00 оғоз мешавад. Бозии ҷавобӣ 17 октябр дар Улан-Батор сурат мегирад.
Ғолиби ҷуфти Афғонистону Муғулистон дар даври дуюми марҳилаи интихобии Ҷоми ҷаҳон-2026 дар гурӯҳи «А» ҳамроҳ бо тимҳои Қатар, Ҳиндустон ва Кувайт бозӣ мекунад.
🏆 Марҳилаи интихобии Ҷоми ҷаҳон-2026
♦️ Даври якум. Бозии аввал
📅 12 октябр (панҷшанбе)
⌚️ Оғоз – соати 19:00
🇦🇫 Афғонистон – 🇲🇳 Муғулистон
🏟 Душанбе, Варзишгоҳи марказии ҷумҳуриявӣ