Дар мусобиқа байни дастаҳои собиқадорони футболи Тоҷикистон рӯзи 19 июл ду бозии даври чорум баргузор шуд.
“Равшан”-и Кӯлоб дар майдони худ собиқадорони “Вахш”-и Қӯрғонтеппаро қабул кард. Устодони тӯби чармини кӯлобӣ бо ҳисоби 3 бар 1 ғалаба карда истода, муваффақ нашуданд, ки бозиро ба фоидаи худ анҷом кунанд ва дар натиҷа бо ҳисоби бузурги 3 бар 6 шикаст хӯрданд. Баъди ин ғалаба дастаи собиқадорони “Вахш” бо 10 имтиёз мақоми худро дар садри ҷадвали мусобиқа мустаҳкамтар гардонид.
Дар бозии дигари ин давр ду дастаи пойтахт “Рамис-Испечак” ва “Динамо” бо ҳам рӯбарӯ шуданд. Бозии шавқовари дастаҳои собиқадор бо ҳисоби 5 : 2 ба фоидаи аввалӣ анҷом ёфт.
Як бозии дигари даври чорум рӯзи 22 июл байни ду дастаи шимоли кишвар доир мешавад. “Трикотажчӣ”-и Истаравшан дар майдони худ “Хуҷанд”-и Хуҷандро қабул мекунад.
Бозиҳои даври панҷуми мусобиқа рӯзи шанбеи 25 июл доир мешаванд. Дар ин давр пешсафи ҷадвали мусобиқа “Вахш” дар майдони худ “Рамис-Испечак”-ро қабул мекунад. Собиқадорони “Равшан” ба шаҳри Хуҷанд сафар карда, “Динамо”-и пойтахт дар Душанбе бо “Трикотажчӣ”-Истаравшан рақобат мекунад.
Мусобиқа байни дастаҳои собиқадорони футболи Тоҷикистон
«Равшан» – «Вахш» – 3:6
«Рамис-Испечак» – «Динамо» – 5:2
| Б | Ғ | М | Б | Т/Т | И | ||
| 1 | «Вахш» (Қӯрғонтеппа) | 4 | 3 | 1 | 0 | 14-7 | 10 |
| 2 | «Равшан» (Кӯлоб) | 3 | 2 | 0 | 1 | 10-8 | 6 |
| 3 | «Рамис-Испечак» (Душанбе) | 3 | 2 | 0 | 1 | 10-9 | 6 |
| 4 | «Хуҷанд» (Хуҷанд) | 3 | 1 | 1 | 1 | 9-6 | 4 |
| 5 | «Трикотажчӣ» (Истаравшан) | 1 | 0 | 0 | 1 | 0-3 | 0 |
| 6 | «Динамо» (Душанбе) | 4 | 0 | 0 | 4 | 7-17 | 0 |
Нишонзанҳо: Назиршо РИЗОМОВ («Вахш») – 6 гол, Сӯҳроб ҲАМИДОВ («Рамис-Испечак») – 5 гол, Иззатулло ИСҲОҚОВ («Равшан») – 4 гол, Баҳрулло ДАВЛАТОВ («Рамис-Испечак»), Рустам ХОҶЕВ («Вахш»), Саид АЗИЗОВ («Равшан»), Баҳодур МУРОДОВ («Хуҷанд») – 3 голӣ.
Дар даври 5-ум вомехӯранд:
25 июл (шанбе)
Оғози бозиҳо соати 18:00
«Вахш» – «Рамис-Испечак»
«Хуҷанд» – «Равшан»
«Динамо» – «Трикотажчӣ»