Барои иштирок дар бозии дӯстона бо тими миллии Қазоқистон ба ҳайати дастаи мунтахаби миллии Тоҷикистон даҳ бозигари легионер даъват шудааст. Бозӣ рӯзи 16-уми ноябр дар шаҳри Нур-султони Ҷумҳурии Қазоқистон баргузор мешавад.
Иҷрокунандаи муваққатии вазифаи сармураббии тими миллии Тоҷикистон Мубин Эргашев ба ҳайати даста 21 бозигарро даъват намудааст, ки 10 касашон легионер буда, дар дастаҳои футболи Узбекистон, Эстония, Эрон, Булғористон, Қазоқистон, Индонезия, Беларус ва Малайзия баромад мекунанд.
Тими миллии Тоҷикистон омодагиро ба бозии дӯстона бо мунтахаби миллии Қазоқистон рӯзи панҷшанбеи 11 ноябр дар шаҳри Душанбе шурӯъ менамояд.
Ёдрас мешавем, ки бозии дӯстона байни тимҳои миллии Қазоқистону Тоҷикистон рӯзи сешанбеи 16-уми ноябр, дар Варзишгоҳи “Остона-Арена”-и шаҳри Нур-Султон баргузор мешавад. Оғози бозӣ – соати 19:00 ба вақти маҳаллӣ (18:00 ба вақти Душанбе)
Ҳайати мунтахаби миллии Тоҷикистон дар бозии дӯстона бо тими миллии Қазоқистон:
Дарвозабонҳо: Шоҳрух Қирғизбоев, Муҳриддин Ҳасанов (ҳарду аз «Истиқлол»), Далер Азизов («Регар-ТадАЗ»);
Ҳимоятгарон: Давронҷон Эргашев («Бунёдкор», Узбекистон), Табрези Давлатмир («Нарва Транс», Эстония), Ваҳдат Ҳанонов, Манучеҳр Сафаров (ҳарду аз «Персеполис», Эрон), Зоир Ҷӯрабоев («Истиқлол»), Алиҷон Кароматуллозода (КМВА);
Нимҳимоятгарон: Парвизҷон Умарбоев («Локомотив», Пловдив, Булғористон), Нуриддин Давронов («Борнео», Индонезия), Эҳсони Панҷшанбе («Навбаҳор», Узбекистон), Муҳаммадҷон Раҳимов («Ордабаси», Қазоқистон), Алишер Ҷалилов, Амирбек Ҷӯрабоев, Шервонӣ Мабатшоев (ҳама аз «Истиқлол»), Кароматулло Саидов («Хуҷанд»);
Ҳамлагарон: Шаҳром Самиев («Торпедо-БелАЗ», Беларус), Шериддин Бобоев («Пенанг», Малайзия), Манучеҳр Ҷалилов («Истиқлол»), Ҷаҳонгир Эргашев («Эсхата»).
Муваққатан иҷрокунандаи сармураббӣ – Мубин Эргашев.