Дар бозии ҷамъбастии даври шашум, ки рӯзи душанбеи 18 май дар варзишгоҳи марказии шаҳри Истаравшан баргузор шуд, чемпиони феълии Тоҷикистон “Истиқлол”-и Душанбе бар “Далерон-Уротеппа” –и Истаравшан бо ҳисоби минималии 1 бар 0 ғолиб шуд. Голи ягонаи меҳмононро дар дақиқаи 4 вохӯрӣ Хосе Баллестер ба ҳадаф расонд.
Ин ғалабаи шашуми пайдарҳами чемпиони секаратаи Тоҷикистон дар чемпионати имсола мебошад. Шогирдони Мубин Эргашев аз 6 бозӣ 18 имтиёзи имкониятдоштаро соҳиб шуда, дар садри ҷадвали мусобиқа қарор доранд. “Истиқлол” нисбати витсе-чемпиони мамлакат “Хайр”-и Ваҳдат, ки зинаи дуюми ҷадвали мусобиқаро ишғол мекунад, панҷ имтиёз зиёд дорад. Гузашта аз ин, футболбозони дастаи пойтахт ба дарвозаи ҳарифон дар 6 бозӣ, аз ҳама бештар 27 гол зада, аз дарвозаи худ аз ҳама кам, ҳамагӣ ду тӯб гузарониданд.
Бозии навбатии худро чемпиони мо дар доираи бозиҳои 1/8 ниҳоии Ҷоми КФО-2015 рӯзи 26 май бо “Ал-Ваҳда”-и Сурия мегузаронад. Ин вохӯрӣ соати 20.00 дар Варзишгоҳи марказии ҷумҳуриявӣ доир мегардад.
Дар доираи бозиҳои чемпионати Тоҷикистон бошад, “Истиқлол” рӯзи 29 май дар майдони худ “Регар-ТадАз”-и Турсунзодаро қабул мекунад. Ин вохӯрӣ бо сабаби иштироки “Истиқлол” дар Ҷоми КФО аз 24 ба 29 май гузаронида шуд. Ҳаминро қайд мекунем, ки дастаи шаҳри Турсунзода низ айни ҳол дар бозиҳои чемпионати имсолаи кишвар байни дастаҳои лигаи олӣ ба мағлубият дучор нашудаст.
Чемпионати Тоҷикистон. Лигаи олӣ. Бозии даври 6-ум
«ДАЛЕРОН-УРОТЕППА» – «ИСТИҚЛОЛ» – 0:1
Гол: Хосе Баллестер, 4.
«Далерон-Уротеппа» (Истаравшан): Фатҳулло Бобоев, Бенджамин Авуку, Содиқ Мусо, Далер Шомуродов, Сӯҳроб Мансуров (Насим Расулов, 83), Беҳзод Мусоев, Илҳом Баротов, Ҳикматулло Расулов, Гершон Акуффо (Абдураҳмон Қурбонов, 87), Соломон Течи, Абдусамад Ҳоҷибоев (Меҳрулло Бобоев, 68).
«Истиқлол» (Душанбе): Алишер Тӯйчиев, Эраҷ Раҷабов, Соҳиб Саванқулов, Хосе Баллестер, Петро Ковалчук, Ҷаҳонгир Ҷалилов (Аҳтам Назаров, 85), Умедҷон Шарипов, Парвизҷон Умарбоев, Зиёвуддин Фузайлов (Алишер Сафаров, 77), Ромиш Ҷалилов (Фатҳулло Фатҳуллоев, 56), Дилшод Восиев.
Огоҳонида шуданд: Беҳзод Мусоев, Соломон Течи («Далерон-Уротеппа»), Эраҷ Раҷабов, Петро Ковалчук («Истиқлол»).
Беҳтарин бозигари вохӯрӣ: Ҳикматулло Расулов («Далерон-Уротеппа»).
Сардовар: Баҳром Саъдуллоев (Қӯрғонтеппа) – 8 хол.
Нозири бозӣ: Сафар Каримов (Норак).
18 май. Истаравшан. Варзишгоҳи марказӣ. 8400 тамошобинон.
| Б | Ғ | М | Б | Т/Т | И | ||
| 1 | «Истиқлол» (Душанбе) | 6 | 6 | 0 | 0 | 27-2 | 18 |
| 2 | «Хайр» (Ваҳдат) | 6 | 4 | 1 | 1 | 12-8 | 13 |
| 3 | «Регар-ТадАЗ» (Турсунзода) | 6 | 3 | 3 | 0 | 11-6 | 12 |
| 4 | «Хуҷанд» (Хуҷанд) | 6 | 3 | 2 | 1 | 9-5 | 11 |
| 5 | КМВА «Помир» (Душанбе) | 6 | 2 | 1 | 3 | 3-8 | 7 |
| 6 | «Равшан» (Кӯлоб) | 6 | 2 | 1 | 3 | 7-13 | 7 |
| 7 | «Далерон-Уротеппа» (Истаравшан) | 5 | 1 | 2 | 2 | 6-5 | 5 |
| 8 | «Вахш» (Қӯрғонтеппа) | 6 | 1 | 2 | 3 | 2-7 | 5 |
| 9 | «Барқи тоҷик» (Душанбе) | 5 | 1 | 0 | 4 | 3-11 | 3 |
| 10 | «Парвоз» (Бобоҷон Ғафуров) | 6 | 0 | 0 | 6 | 0-15 | 0 |
Нишонзанҳо: Манучеҳр ҶАЛИЛОВ («Истиқлол») – 5 тӯб, Дилшод ВОСИЕВ («Истиқлол») – 4 тӯб, Наполеон АНДОХ («Хайр»), Ҳасан РУСТАМОВ («Хуҷанд»), Комил САИДОВ, Комрон ТУРСУНОВ (ҳар ду аз «Регар-ТадАЗ»), Бледа РОДРИГЕС («Истиқлол») – 3 тӯбӣ.
Дар даври 7-ум вомехӯранд:
23 май (шанбе)
Оғоз соати 17:00
«Вахш» – «Барқи тоҷик»
«Парвоз» – «Далерон-Уротеппа»
КМВА «Помир» – «Равшан»
24 май (якшанбе)
Оғоз соати 17:00
«Хуҷанд» – «Хайр»
29 май (ҷумъа)
Оғоз соати 17:00
«Истиқлол» – «Регар-ТадАЗ»