Бозии даври чоруми чемпионати Тоҷикистон байни “Истиқлол” ва КМВА “Помир” бо ғалабаи бузурги чемпиони феълӣ анҷом ёфт. Шогирдони Мубин Эргашев ба дарвозаи мудофиачиён панҷ гол зада, аз дарвозаи худ як гол сар доданд.
Қаҳрамони бозӣ ҳамлагари “Истиқлол” ва мунтахаби миллии кишвар Манучеҳр Ҷалилов шуд. Манучеҳр дар ин бозӣ ба задани чор гол муваффақ шуда, муаллифи нахустин “покер” дар чемпионати имсолаи Тоҷикистон шуд. Як голи дигари “Истиқлол”-ро Дилшод Восиев ба самар расонид. Голи престижи мудофиачиёнро Давронҷон Тухтасунов зад. Ҳаминро қайд мекунем, ки голи Тухтасунов аввалин голе аст, ки дар чемпионати имсола ба дарвозаи чемпиони феълӣ зада мешавад.
Чемпионати Тоҷикистон. Лигаи олӣ. Бозии даври 4-ум
«ИСТИҚЛОЛ» – КМВА «ПОМИР» – 5:1
Голҳо: Манучеҳр Ҷалилов, 15 (1:0). Манучеҳр Ҷалилов, 17 (2:0). Манучеҳр Ҷалилов, 38 (3:0). Давронҷон Тухтасунов, 42 (3:1). Манучеҳр Ҷалилов, 53 (4:1). Дилшод Восиев, 67 (5:1).
| И | В | Н | П | М | О | ||
| 1 | «Истиқлол» (Душанбе) | 4 | 4 | 0 | 0 | 20-1 | 12 |
| 2 | «Хуҷанд» (Хуҷанд) | 4 | 3 | 0 | 1 | 7-3 | 9 |
| 3 | «Регар-ТадАЗ» (Турсунзода) | 4 | 2 | 2 | 0 | 7-5 | 8 |
| 4 | «Хайр» (Ваҳдат) | 4 | 2 | 1 | 1 | 6-6 | 7 |
| 5 | «Вахш» (Қӯрғонтеппа) | 4 | 1 | 2 | 1 | 2-2 | 5 |
| 6 | «Далерон-Уротеппа» (Истаравшан) | 3 | 1 | 1 | 1 | 5-3 | 4 |
| 7 | «Равшан» (Кӯлоб) | 4 | 1 | 1 | 2 | 5-7 | 4 |
| 8 | «Барқи тоҷик» (Душанбе) | 3 | 1 | 0 | 2 | 1-6 | 3 |
| 9 | КМВА «Помир» (Душанбе) | 4 | 0 | 1 | 3 | 1-8 | 1 |
| 10 | «Парвоз» (Бобоҷон Ғафуров) | 4 | 0 | 0 | 4 | 0-13 | 0 |