Ҳарифи аввали тими миллии Тоҷикистон дар доираи бозиҳои марҳилаи дуюми интихобии ҶҶ-2018 мунтахаби Урдун пеш аз бозии расмӣ ба муқобили шогирдони Муҳсин Муҳаммадиев ду бозии санҷишӣ мегузаронад. Бозии авввали урдуниҳо рӯзи 30 май бо тими миллии Лубнон ва бозии дуюмашон рӯзи 5 июн бо мунтахаби Кувайт доир хоҳад шуд.
Ин вохӯриҳоро ситоди мураббиёни мунтахаби Урдун ҳамчун давраи омодагӣ ба бозии якуми марҳилаи дуюми интихобии ҷоми ҷаҳон бар муқобили мунтахаби Тоҷикистон, ки рӯзи 11 июн дар Душанбе доир мешавад, баррасӣ менамояд.
Қайд мекунем, ки айни замон мунтахаби Урдун дар раддабандии ФИФА дар зинаи 103 ва тими миллии мо бошад, дар зинаи 143 қарор дорад.
