Дастаҳои мунтахаби бонувони Урдун ва Филиппин баъди бозиҳои даври сеюм, ки дирӯз дар Варзишгоҳи марказии шаҳри Душанбе ҷараён гирифт, пешсафи мутлақи гурӯҳи «А» дар бозиҳои интихобии Ҷоми Осиё-2018 дар Душанбе гардиданд.
Мизбони бозиҳои финалии Ҷоми Осиё-2018- дастаи мунтахаби Урдун дар вохӯрӣ бо дастаи мунтахаби Ироқ ба дарвозаи ҳарифаш 10 голи беҷавоб зада, мавқеашро дар зинаи аввал устувор намуд ва танҳо вохӯрии байни дастаҳои Филиппин ва Урдун метавонад ба ҷойгиршавии дастаҳо тағйирот ворид кунад. Дар вохӯрии байни дастаҳои Урдун ва Ироқ ҳамлагари дастаи мунтахаби Урдун Мейса Ҷбараҳ ба дарвозаи Халат Ассад Мустафо 4 тӯб зада , покер кард. Нимҳимоятгари урдуниҳо Стефани ал-Набир муаллифи се гол гардида, хет трик намуд.
Дар бозии дастаҳои бонувони Тоҷикистон ва Филиппин низ натиҷаи калон ба қайд гирифта шуд. Филиппиниҳо ба дарвозаи дастаи Тоҷикистон 8 гол заданд, ки се тоашро Ҳали Лонг ба самар расонид ва ҳет-трикро ба номи худ сабт кард.
Вохӯрии байни дастаҳои мунтахаби Баҳрайн ва Амороти Муттаҳидаи Араб бо натиҷаи сулҳомези 1:1 ҷамъбастшуд ва дастаи мунтахаби Баҳрайн бо 4 имтиёз аз Тоҷикистон пеш гузашт.
Бозиҳои иинтихобии Ҷоми Осиё-2019 байни бонувон
Гурӯҳи «А». Даври 3
ТОҶИКИСТОН – Филиппин –0:8
Голҳо: Ева Мадаранг, 17 (1:0). Аниска Кастанеда, 34 (2:0) Ҳали Лонг, 38 (3:0). Сара Изобел Арриета Кастанеда, 48 (4:0). Ҳали Лонг, 59 (5:0). Ҳали Лонг, 84 (6:0). Аниска Кастанеда, 85 (7:0) . Мари Кристиан Дуран, 90 (8:0).
Тоҷикистон: Сахина Саидова, Дилафрӯз Шарифова, Ҷонона Ҳалимова, Ирода Ҷӯраева, Сайрам Холназарова, Наталя Сотникова, Мадинаи Искандарӣ(Зулайхо Сафарова, 58). , Нодира Мирзоева, Муниса Мирзоева (Насиба Олимова, 42), Марҷона Файзуллоева (Ҳалимова Лайло, 88)
Огоҳӣ: Ҷонона Ҳалимова (Тоҷикистон).
7 апрел. Душанбе. Варзишгоҳи марказӣ.
АМА – Баҳрайн –1:1
Голҳо: Шаҳад Ҷосим, 50 (1:0,АМА). Дина, 84 (1:1, Баҳрайн).
Огоҳӣ: Ниҳол Мамдуюн (АМА)
7 апрел. Душанбе. Варзишгоҳи марказӣ.
Урдун – Ироқ – 10:0
Голҳо: Шаҳноз Ҷабрин, 1 (1:0). Луна ал-Масрӣ, 20 (2:0). Стефани ал-Набир, 27 (3:0). Майса Ҷбараҳ, 45+5 (4:0). Стефани ал-Набир, 61(5:0, пеналтӣ). Майса Ҷбараҳ, 65 (6:0). Заҳра Аҳмад Брисам, 77 (7:0, автогол, Ироқ). Майса Ҷбараҳ, 79 (8:0). Стефани ал-Набир, 81 (9:0).. Майса Ҷбараҳ, 84 (10:0).
5 апрел. Душанбе. Варзишгоҳи марказӣ.
Бозиҳои боқимонда:
Даври 4
10 апрел (душанбе)
13:00 – Ироқ – АМА
16:00 – Тоҷикситон – Урдун
19:00 – Филиппин – Баҳрайн
Даври 5
12 апрел (чоршанбе)
13:00 – Урдун – Филиппин
16:00 – АМА – Тоҷикистон
19:00 – Баҳрайн – Ироқ