Дастаи Федератсияи футболи Тоҷикистон ба бозии нимфиналии Ҷоми клуби футболи «Истиқлол» роҳ ёфт. Дар бозии чорякфиналӣ дастаи мо яке аз муддаиёни асосии имсолаи Ҷом, дастаи «Вавилон»-ро тавассути силсилазарбаҳои пеналти бо ҳисоби 4 бар 2 мағлуб сохта, аз идомаи мусобиқа барканор гардонд. Дар бозии имфиналӣ дастаи ФФТ бо «Динамо» вомехўрад.
Дар бозии дигар дастаи «Динамо» ба воситаи силсилазарбаҳои пеналти «Ориёнбанк»-ро мағлуб кард. Бояд қайд кард, ки дар ин бозӣ банкирҳо бо ҳисоби 2 бар 0 ғалаба карда истода, ғолибияташонро ҳифз карда натавонистанд. Голи якуми милисаҳоро Вазири корҳои дохилии Ҷумҳурии Тоҷикистон Рамазон Раҳимзода ва голи дуюмро корманди дигари ин ниҳоди қудратӣ Ҷамшед Исмоилов ба ҳадаф зада, ҳисоби вохўриро баробар сохтанд. Дар задани силсилазарбаҳои пеналти бошад, кори милисаҳо омад кард ва оно се зарбаро амалӣ карданд. Ин ҳам дар ҳоле, ки банкирҳо ҳатто як зарбаи пеналтиро ба ҳадаф расонда натавонистанд.
Дар бозии дигари ниманиҳоии Ҷоми имсолаи клуби футболи «Истиқлол» ду дастаи бонкӣ – «Амонатбанк» ва «Натсбанк» бо ҳам вомехўранд. Дар бозиҳои чорякфиналӣ «Амонатбанк» бар дастаи чемпиони феълии Ҷом «Антикоррупсия» бо ҳисоби 2 бар 1 ва «Натсбанк» бошад бар дастаи «Динамо-2» тавассути силсилазарбаҳи пеналти бо ҳисоби 5 бар 4 пирўз шуд. Вақти асосии бозии ахирӣ мусовӣ ва бидуни гол анҷом ёфт.
Бозиҳои ниманиҳии Ҷоми клуьби футбол «Истиқлол» рўзи якшанбеи 4-уми сентябр доир хоҳанд шуд. Дар ин рўз, соати 18.00 дастаҳои ФФТ ва «Динамо» вориди майжон мешаванд ва баъди як соат бошад, дар бозии дуюми ниманиҳоӣ «Амонатбанк» бо «Натсбанк» вориди рақобат мешаванд.
Ҷоми клуби футболи «Истиқлол» оид ба футболи хурд:
1/4 финал
«Динамо» – «Ориёнбанк» – 2:2. Бо пеналти – 3:0
Голҳо: Рамазон Раҳимзода, Ҷамшед Исмоилов – Парвиз Ҳамидов, Умар Ҳамроқулов.
«Амонатбанк» – «Антикоррупсия» – 2:1
Голҳо: И. Олимов, Д. Исоев – Самандар Суннатзода.
«Вавилон» – ФФТ-1 – 0:0. Бо пеналти – 2:4
«Динамо-2» – «Натсбанк» – 0:0. Бо пеналти – 4:5
1/2 финал
4 сентябр (якшанбе)
18:00 – «Динамо» – ФФТ-1
19:00 – «Амонатбанк» – «Натсбанк»
7 сентябр (чоршанбе)
18:00 – Бозӣ барои ҷои сеюм
19:00 – Финал