Ҷоизадори медалҳои нуқраи чемпионати соли гузаштаи Тоҷикистон «Хуҷанд»-и Хуҷанд дар бозии даври якуми марҳилаи ниҳоии Ҷоми Федератсияи футболи Тоҷикистон-2016 дар гурӯҳи «А» бар КМВА «Помир»-и Душанбе бо ҳисоби 3 бар 1 пирӯз шуд.
Ҳисоби бозиро дар дақиқаи 9-ум ҳамлагари «Хуҷанд» ва мунтахаби миллии Тоҷикистон Фарҳод Тоҳиров боз кард. Мудофиачиён баъди 19 дақиқа ҳисобро баробар карданд. Голро Давронҷон Тухтасунов зад.
Дар қисми дуюми бозӣ тамошобинон боз шоҳиди задан иду голи дигар шуданд. Дар дақиқаи 58-уми вохӯрӣ Дилшод Бозоров «Хуҷанд»-ро ба сафи пеш баровард ва дар дақиқаи 63-юм боз Фарҳод Тоҳиров голи дуюми худ ва сеюми дастаашро зада, ҳисоби умумиро 3 бар 1 ба фоидаи «Хуҷанд» сохт.
Баъд аз ду бозӣ дар гурӯҳи «А» дастаҳои «Хуҷанд» ва «Истиқлол» бо 3 имтиёзӣ пешсаф мебошанд. Рӯзи панҷшанбеи 3 март бозиҳо дар гурӯҳи «Б» доир хоҳанд шуд. Соати 10:00 «Хайр»-и Ваҳдат бо «Помир»-и Душанбе ва соати 16:00 бошад «Регар-ТадАз»-и Турсунзода бо «Вахш»-и Қӯрғонтеппа рақобат мекунанд.
Ҷоми ФФТ-2016. Марҳилаи ниҳоӣ
Гурӯҳи «А». Даври 1-ум
«Хуҷанд» – КМВА «Помир» – 3:1
Голҳо: Фарҳод Тоҳиров, 9 (1:0). Давронҷон Тухтасунов, 21 (1:1). Дилшод Бозоров, 58 (2:1). Фарҳод Тоҳиров, 63 (3:1).
«Хуҷанд» (Хуҷанд): Алишер Тӯйчиев, Далерҷон Тухтасунов (Шероз Абдуллоев, 76), Манучеҳр Ахмедов, Ҳасан Рустамов, Эраҷ Раҷабов, Ҳоҷибой Зиёев, Илҳом Баротов, Дилшод Каримов (Руслан Раҳматов, 65), Сафаралӣ Каримов (Саидҷон Шарипов, 76), Фарҳод Тоҳиров (Марифҷон Марифбоев, 74), Дилшод Бозоров (Мубинҷон Муминов, 85).
КМВА «Помир» (Душанбе): Азимҷон Қараев, Фирдавс Чақалов, Фурӯғ Қодиров, Сефах Жаке Нана (Алишер Холмуродов, 33), Павел Калугин (Фаррух Фузайлов, 66), Комрони Мирзонаҷот, Андох Наполеон (Рустам Толибов, 72), Маҳмадалӣ Содиқов (Шодибек Ғаффоров, 46), Парвиз Кашкаров (Фирӯз Раҳматов, 70), Шамсиддин Қосимов, Давронҷон Тухтасунов.
Огоҳонида шуданд: Сафаралӣ Каримов, Ҳоҷибой Зиёев, Манучеҳр Ахмедов, Илҳом Баротов, Ҳасан Рустамов («Хуҷанд»), Фирдавс Чақалов, Сефах Жаке Нана (КМВА «Помир»).
Беҳтарин бозигари вохӯрӣ: Фарҳод Тоҳиров («Хуҷанд»).
Сардовар: Хусрави Сиддиқзод (Душанбе) – 7,6 хол.
Нозири бозӣ: Раҳмон Муртазоев (Душанбе).
2 март. Душанбе. Варзишгоҳи марказии ҷумҳуриявӣ. 300 тамошобинон.
| Б | Ғ | М | Б | Т/Т | И | ||
| 1 | «Хуҷанд» (Хуҷанд) | 1 | 1 | 0 | 0 | 3-1 | 3 |
| 2 | «Истиқлол» (Душанбе) | 1 | 1 | 0 | 0 | 2-0 | 3 |
| 3 | КМВА «Помир» (Душанбе) | 1 | 0 | 0 | 1 | 1-3 | 0 |
| 4 | «Саройкамар» (Панҷ) | 1 | 0 | 0 | 1 | 0-2 | 0 |