Мунтахаби ҷавонони Тоҷикистон (U-22) дар даври дуюми марҳилаи гурӯҳии Ҷоми Иттиҳод-2016 аз мунтахаби ҷавонони Эстония бо ҳисоби 1 бар 4 шикаст хӯрд. Голи ягонаи мунтахаби ҷавонони моро ниммуҳофизи «Истиқлол» Парвизҷон Умарбоев аз пеналти ба самар расонд.
Дар бозии дигари гурӯҳи мо мунтахаби ҷавонони Россия бар Латвия бо ҳисоби 2 бар 1 пирӯз шуд. Баъд аз ду давр дар гурӯҳи «В» мунтахабҳои ҷавонони Эстония ва Россия бо 6 имтиёзӣ пешсаф мебошанд. Мунтахабҳои ҷавонони Тоҷикистону Латвия, ки дар даври охири марҳилаи гурӯҳӣ бо ҳам вомехӯранд, дар ҳисобашон имтиёз надоранд.
Аввалин финалисти Ҷоми Иттиҳод-2016 маълум шуд. Мунтахаби ҷавонони Молдова дар гурӯҳи «А», новобаста аз натоиҷи бозиҳои даври ҷамъбастии марҳилаи гурӯҳӣ, бо 6 имтиёз мақоми якумро ишғол кард.
Ёдрас мешавем, ки мувофиқи низомномаи мусобиқа дастаҳои ғолиби гурӯҳ дар бозии финалӣ, дастаҳои ҷои дуюм барои медалҳои биринҷӣ, дастаҳои ҷои сеюми гурӯҳҳо барои мақоми панҷум ва дастаҳои ҷои охири гурӯҳҳо барои зинаи ҳафтум рақобат мекунанд.
Ҷоми Иттиҳод-2016
Гурӯҳи «В». Даври 2-юм
ТОҶИКИСТОН – Эстония – 1:4
Голҳо: Салисте, 23 (0:1). Ярва, 28 (0:2). Парвизҷон Умарбоев, 60 – аз пеналти (1:2). Миллер, 62 (1:3). Каубер, 90 (1:4).
Тоҷикистон: Эмомалӣ Сониев (Беҳрӯз Хайриев, 76), Соҳибҷон Ҳакимов (Ромиш Ҷалилов, 82), Табрези Давлатмир, Амирбек Ҷӯрабоев, Парвизҷон Умарбоев, Фаридун Шарипов, Ҷаҳонгир Алиев, Нозим Бобоҷонов (Эҳсони Панҷшанебе, 76), Ҷаҳонгир Эргашев, Фирӯз Қараев, Зиёвуддин Фузайлов (Фирӯз Раҳматов, 55).
Эстония: Карофелд, Паю (Алоэ, 78), Юхкам, Авилов, Салисте (Синявский, 68), Шлейн (Кокла, 68), Мяги (Оямаа, 68), Миллер (Каубер, 68), Пеэтсон, Ярва (Кирсс, 58), Рооснупп (Марин, 78).
Беҳтарин бозигарон: Парвизҷон Умарбоев (Тоҷикистон), Магнус Карофелд (Эстония).
Огоҳонида шуданд: Қараев (Тоҷикистон), 31. Пеэтсон (Эстония), 65.
Доварон: Кукуян, Князев, Каруненко (ҳама аз Россия).
19 январ. Санкт-Петербург. Маҷмааи варзишии «Петербургский». 500 тамошобинон.
Россия – Латвия – 2:1
| Б | Ғ | М | Б | Т/Т | И | ||
| 1 | Эстония | 2 | 2 | 0 | 0 | 6-2 | 6 |
| 2 | Россия | 2 | 2 | 0 | 0 | 4-2 | 6 |
| 3 | Латвия | 2 | 0 | 0 | 2 | 2-4 | 0 |
| 4 | ТОҶИКИСТОН | 2 | 0 | 0 | 2 | 2-6 | 0 |
Гурӯҳи «А». Даври 2-юм
Молдова – Қирғизистон – 2:0
Қазоқистон – Беларус – 0:0
| Б | Ғ | М | Б | Т/Т | И | ||
| 1 | Молдова | 2 | 2 | 0 | 0 | 3-0 | 6 |
| 2 | Қирғизистон | 2 | 1 | 0 | 1 | 1-2 | 3 |
| 3 | Беларус | 2 | 0 | 1 | 1 | 0-1 | 1 |
| 4 | Қазоқистон | 2 | 0 | 1 | 1 | 0-1 | 1 |
Тақвими бозиҳои боқимондаи мусобиқа:
Даври 3-юм
21 январ (панҷшанбе)
14:00 – Беларус – Молдова
16:15 – Қирғизистон – Қазоқистон
18:30 – Латвия – ТОҶИКИСТОН
21:00 – Эстония – Россия
23 январ (шанбе)
13:00 – Бозӣ барои ҷои 7-ум
15:15 – Бозӣ барои ҷои 5-ум
17:30 – Бозӣ барои ҷои 3-юм
21:00 – Финал
Эзоҳ: оғози бозиҳо ба вақти Душанбе.