Фардо, 14-уми сентябр дар шаҳри Душанбе мусобиқаи интихобии Ҷоми Осиё-2023 байни дастаҳои ҷавонони то 20-сола дар гурӯҳи «I» оғоз мешавад. Дастаҳои ҷавонони Тоҷикистон, Камбоҷа, Лубнон ва Сингапур барои роҳхатҳои қисми ниҳоии Ҷоми Осиё мубориза мебаранд.
Дар остонаи оғози марҳилаи интихобӣ имрӯз, 13-уми сентябр дар меҳмонхонаи «Румӣ»-и шаҳри Душанбе ҷаласаи машваратӣ доир гардид, ки дар он масъалаҳои ташкилӣ ва нуктаҳои низомнома мавриди баррасӣ қарор гирифта, ранги либосҳои дастаҳои иштирокчӣ тасдиқ карда шуданд.
Пагоҳ, 14-уми сентябр тими ҷавонони мо бозии якуми худро дар мусобиқаи интихобии Ҷоми Осиё-2023 (U-20) дар гурӯҳи «I» бо дастаи Сингапур барпо менамояд. Ин бозӣ дар Варзишгоҳи марказии Душанбе баргузор шуда, соати 20:00 оғоз мегардад. Даромад ба варзишгоҳ ройгон аст.
Қобили зикр аст, ки ғолибони даҳ гурӯҳи интихобӣ ва панҷ дастаи беҳтарин, ки ҷойҳои дуюмро мегирад, ба марҳилаи ниҳоии Ҷоми Осиё-2023 (U-20), ки аз 1-уми март то 18-уми марти соли оянда дар Ӯзбекистон баргузор мешавад, роҳ меёбанд.
🏆 Мусобиқаи интихобии Ҷоми Осиё-2023 байни дастаҳои ҷавонони то 20-сола
🔥 Гурӯҳи «I»
📋 Иштирокчиён: 🇹🇯 ТОҶИКИСТОН, 🇰🇭 Камбоҷа, 🇱🇧 Лубнон, 🇸🇬 Сингапур.
⚽️ Даври 1
📆 14 сентябр (чоршанбе)
⏰ 17:00 – 🇰🇭 Камбоҷа – 🇱🇧 Лубнон
⏰ 20:00 – 🇹🇯 ТОҶИКИСТОН – 🇸🇬 Сингапур
⚽️ Даври 2
📆 16 сентябр (ҷумъа)
⏰ 17:00 – 🇸🇬 Сингапур – 🇰🇭 Камбоҷа
⏰ 20:00 – 🇱🇧 Лубнон – 🇹🇯 ТОҶИКИСТОН
⚽️ Даври 3
📆 18 сентябр (якшанбе)
⏰ 17:00 – 🇱🇧 Лубнон – 🇸🇬 Сингапур
⏰ 20:00 – 🇹🇯 ТОҶИКИСТОН – 🇰🇭 Камбоҷа
🏟 Эзоҳ: Ҳама бозиҳо дар Варзишгоҳи марказии Душанбе баргузор мешаванд.