Рақиби мунтахаби Тоҷикистон дар бозии ниҳоии 42-юмин мусобиқаи байналмилалии «Ҷоми Мердека», ки рӯзи 17 октябр дар Куала-Лумпур баргузор мешавад, маълум шуд.
Дар бозии ниҳоӣ дастаи мо бо мизбони мусобиқот, тими Малайзия, ки дар даври ниманиҳоӣ бар мунтахаби Ҳиндустон бо ҳисоби 4:2 пирӯз шуд, рақобат хоҳад кард.
Вохӯрии ниҳоии мусобиқаи «Ҷоми Мердека-2023» миёни дастаҳои мунтахаби Малайзия ва Тоҷикистон рӯзи 17 октябр дар Варзишгоҳи миллии Букит Ҷалили Куала-Лумпур баргузор шуда, соати 21:00 ба вақти маҳаллӣ (18:00 ба вақти Душанбе) оғоз мешавад.
🏆 Мусобиқаи байналмилалии «Ҷоми Мердека-2023»
⚽️ Финал
📅 17 октябр (сешанбе)
Оғоз – соати 18:00 ба вақти Душанбе
🇲🇾 Малайзия – 🇹🇯 ТОҶИКИСТОН
🏟 Куала-Лумпур, Варзишгоҳи миллии Букит Ҷалил