Сармураббии дастаи мунтахаби наврасони то 17-солаи Тоҷикистон Марко Раҷини ҳайати ниҳоии дастаро ҷиҳати ширкат дар Ҷоми ҷаҳон-2025, ки аз 3 то 27 ноябр дар Қатар баргузор мешавад, эълон кард.
Рӯйхати ниҳоӣ 21 бозигарро дар бар мегирад – 3 дарвозабон, 7 ҳимоятгар, 8 нимҳимоятгар ва 3 ҳамлагар.
Дар Ҷоми ҷаҳон-2025 дастаи мунтахаби наврасони то 17-солаи Тоҷикистон дар гурӯҳи «I» бо тимҳои Чехия (5 ноябр), ИМА (8 ноябр) ва Буркина-Фасо (11 ноябр) рақобат менамояд.