Федератсияи футболи Тоҷикистон дар доираи таҷлили чорабинии “Рӯзи футболи бонувон-2021” – «AFC Women’s Football Day 2021» дар шаҳрҳои Хуҷанду Бохтар Фестивалҳоро ташкил намуд.
Ҳадафи асосӣ аз баргузории ин чорабиниҳо таблиғу ташвиқи бозии футбол байни занону духтарон ва ҷалби шумораи бештари онҳо ба варзиш мебошад.
Дар иди варзиш бештар аз 100 нафар духтаракон ширкат варзиданд, ки аз иштирок дар ин чорабинӣ, онҳо таассуроти бою рангин бардоштанд.
Дар охир ба ҳар як иштирокчӣ тӯбҳои футболбозӣ, либосҳои бозикунӣ ва медалҳои хотиравӣ тақдим шуд.
