Зухал Хуҷаназарова, корманди раёсати доварон ва нозирони Федератсияи футболи Тоҷикистон нахустин бор дар бозии Лигаи қаҳрамонҳои элитаи Осиё-2024/25 кор мекунад.
Зуҳал Хуҷаназарова нозири VAR дар бозии ҷавобии даври 1/8 ниҳоии Лигаи қаҳрамонҳои КФО дар мавсими 2024/25 байни дастаҳои «Ал Садд» (Қатар) ва «Ал Васл» (АМА), ки 10 март дар Давҳа баргузор мешавад, таъйин шуд. Ин вохӯриро ҳайати доварон аз Австралия таҳти роҳбарии Алиризо Фағонӣ ҳакамӣ мекунанд.