Конфедератсияи футболи Осиё санаи баргузории бозиҳои даври муқаддамотӣ ва марҳилаи плей-оффи Ҷоми КФО-2023/24-ро эълон кард.
Барандаи медали биринҷии мусобиқоти қаҳрамонии Тоҷикистон «Хуҷанд» дар марҳилаи плей-оффи Ҷоми КФО-2023/24 дар минтақаи марказӣ бо ғолиби даври муқаддамотӣ «Марв» (Туркманистон) – «Олой» (Қирғизистон) вомехӯрад. Ин дидор рӯзи 22 август дар варзишгоҳи «20-солагии Истиқлолияти Тоҷикистон» воқеъ дар шаҳри Хуҷанд баргузор мешавад.
Бозии даври муқаддамотии Ҷоми КФО-2023/24 бо ширкати «Марв» ва «Олой» рӯзи 15 август дар Туркманистон баргузор мешавад.
Даври муқаддамотии Ҷоми КФО ва плей-офф аз як бозӣ иборат хоҳад буд.
Дар сурати муваффақ шудан дар марҳилаи плей-оффи Ҷоми КФО бошгоҳи футболи «Хуҷанд» дар баробари бошгоҳҳои «Равшан» (Тоҷикистон), «Алтин Асир» (Туркманистон) ва «Абдиш-Ата» (Қирғизистон) ҳуқуқи иштирок дар марҳилаи гурӯҳии минтақаи марказиро пайдо мекунад.
Даври гурӯҳии Ҷоми КФО-2023/24 дар минтақаи марказӣ 20 сентябр оғоз шуда, 14 декабр ба анҷом мерасад. Танҳо ғолиби гурӯҳ ба марҳилаи навбатии мусобиқа роҳ меёбад.
Ҷоми КФО-2023/24
Минтақаи марказӣ
Даври муқаддамотӣ
15 август (сешанбе)
«Марв» (Туркманистон) – «Олой» (Қирғизистон)
Плей-офф
22 август (сешанбе)
«ХУҶАНД» (ТОҶИКИСТОН) – Ғолиби ҷуфти «Марв»/«Олой»