Рақиби навбатии мунтахаби ҷавонони Тоҷикистон (U-20) дар доираи ҷамъомади таълимиву тамринии Туркия муайян шуд.
Ҷавонони мо бозии чоруми санҷишии худро бо мунтахаби ҷавонони Озарбойҷон (U-20) доир мекунанд. Ин дидор 6 феврал дар маҷмааи варзишии «Арслан Зеки Демирчӣ»-и Сиде баргузор мешавад.
Қаблан дастаи ҷавонони Тоҷикистон дар Анталия се бозии санҷишӣ – бо ҳамсолони худ аз Ироқ (0:0), бошгоҳи ЛКС-и Лаҳистон (1:1) ва дастаи «Бухоро»-и Ӯзбекистон (1:3) анҷом дода буд.
Дастаи мунтахаби ҷавонони Тоҷикистон (U-20) то 19 феврал ҷамъомади таълимиву тамриниро дар Туркия идома медиҳад.
🤝 Бозии санҷишӣ
📆 6 феврал (душанбе)
🇹🇯 ТОҶИКИСТОН (U-20) – 🇦🇿 Озарбойҷон (U-20)
🏟 Сиде, Туркия. Маҷмааи варзишии «Арслан Зеки Демирчӣ»