Даври дуюми Formula55 – Лигаи касбии футзали Тоҷикистон-2021 анҷом шуд. Муддаиёни асосии медалҳои “тилло”-и мусобиқа – «Соро компания» пойтахт ва «Сипар»-и Хуҷанд дар бозиҳои хонагии худ ғалба карданд.
Дар даври дуюм “Соро компания” бо ҳисоби 6:0 бар “Пойтахт” ва “Сипар” бо ҳисоби 2:0 бар “Истиқлол” дастболо шуданд.
Ҷоизадори медалҳои мавсими соли гузаштаи Лигаи касбии футзали Тоҷикистон – “Помир”-и Хоруғ дар мавсими имсола ғалабаи аввалини худро ба даст овард. Футзалбозони “Помир” дар ин давр бо ҳисоби 3:1 бар “Самандар”-и Турсунзода пирӯз шуданд.
Баъди ду даври мусобиқа дастаҳои футзали “Соро компания”-и Душанбе ва “Сипар”-и Хуҷанд” бо шаш имтиёзӣ пешсафи ҷадвали мусобиқа мебошанд ва аллакай, дар даври навбатии мусобиқа ин дастаҳо бо ҳам вомехӯранд. Бозӣ байни дастаҳои футзали «Соро компания» ва «Сипар» рӯзи шанбеи 3 июл дар шаҳри Душанбе баргузор мегардад.
Formula55 – Лигаи касбии футзали Тоҷикистон-2021
Даври 2-юм
«Сипар» – «Истиқлол» – 2:0
Голҳо: Дилшод Саломов, 6 (1:0). Баҳодур Хоҷаев, 37 (2:0).
Беҳтарин бозигари вохӯрӣ: Дилшод Саломов («Сипар»).
«Соро компания» – «Пойтахт» – 6:0
Голҳо: Руҳулло Исарӣ, 7 (1:0). Муҳаммад Раҷабов, 8 (2:0). Руҳулло Исарӣ, 20 (3:0). Насим Шарипов, 25 (4:0). Муҳаммад Раҷабзода, 30 (5:0). Насим Шарипов, 40 (6:0).
Беҳтарин бозигари вохӯрӣ: Муҳаммад Раҷабов («Соро компания»).
«Помир» – «Самандар» – 3:1
Голҳо: Акмал Алиназаров, 18 (1:0). Меҳроб Раҳимов, 28 (2:0). Акбар Ҳаитов, 29 (2:1). Акмал Алиназаров, 31 (3:1).
Беҳтарин бозигари вохӯрӣ: Меҳроб Раҳимов («Помир»).
| Б | Ғ | М | Б | Т/Т | И | ||
| 1 | «Соро компания» (Душанбе) | 2 | 2 | 0 | 0 | 11-0 | 6 |
| 2 | «Сипар» (Хуҷанд) | 2 | 2 | 0 | 0 | 10-0 | 6 |
| 3 | «Истиқлол» (Душанбе) | 2 | 1 | 0 | 1 | 4-3 | 3 |
| 4 | «Помир» (Хоруғ) | 2 | 1 | 0 | 1 | 3-6 | 3 |
| 5 | «Самандар» (Турсунзода) | 2 | 0 | 0 | 2 | 2-7 | 0 |
| 6 | «Пойтахт» (Душанбе) | 2 | 0 | 0 | 2 | 0-14 | 0 |
Дар даври сеюм вомехӯранд:
3 июл (шанбе)
12:00 – «Истиқлол» – «Помир»
15:00 – «Соро компания» – «Сипар»
18:00 – «Самандар» – «Пойтахт»