Дастаи мунтахаби Тоҷикистон дар марҳилаи интихобии Ҷоми Осиё-2027 дар гурӯҳи «А» бозӣ мекунад. Рақибони дастаи мо мунтахабҳои Филиппин, Малдив ва Тимори Шарқӣ хоҳанд буд.
Имрӯз, 9 декабр дар қароргоҳи Конфедератсияи футболи Осиё воқеъ дар Куала-Лумпур маросими қуръакашии марҳилаи интихобии Ҷоми Осиё-2027 баргузор шуд. Дар натиҷа шаш гурӯҳ иборат аз чор дастаӣ ташкил карда шуд. Ҳар як тим дар гурӯҳ шаш бозӣ – се рақобат дар майдони худ ва се бозӣ дар меҳмонӣ анҷом медиҳад.
Танҳо ғолибони шаш гурӯҳи интихобӣ ба қисми ниҳоии Ҷоми Осиё-2027, ки дар Арабистони Саудӣ баргузор мешавад, роҳ меёбанд.