Нимҳимоятгари тими миллии Тоҷикистон фаъолияти худро дар бошгоҳи футболи «Капаз»-и Озарбойҷон идома медиҳад.
Мабатшоев ба ҳайси футболбози озод ба «Капаз», ки дар зинаи 9-уми ҷадвали премйер-лигаи Озарбойҷон қарор дорад, гузариш намуд.
То ин дам Шервонӣ Мабатшоев дар бошгоҳҳои «Барқчӣ», КМВА ва «Истиқлол» бозӣ кардааст. Мабатшоев аз моҳи июли соли 2021 дар ҳайати «Истиқлол» бозӣ мекунад ва дар ин муддат ҷоизаҳои зиёде ба даст овардааст.
Шервонӣ Мабатшоев дар ҳайати тими миллии Тоҷикистон 13-уми декабри соли 2018 дар бозии дӯстона муқобили тими миллии Уммон (1:2) аввалин бозиашро анҷом додааст. Мавсуф дар 29 вохӯрии тими миллӣ 6 гол задааст.