Рӯзи 8 июл дар шаҳри Душанбе нахустин чемпионати Ассотсиатсияи футболи Осиёи Марказӣ (CAFA) миёни дастаҳои занона дар таърих оғоз мешавад. Панҷ даста – Тоҷикистон, Эрон, Ӯзбекистон, Қирғизистон ва Туркманистон барои медалҳо ва унвони беҳтарин тими минтақа мубориза мебаранд.
Дар ин мусобиқа, ки аз 8-ум то 20-уми июл баргузор мешавад, Ҳомид Моменӣ (Эрон) ва Нигора Абидова (Ӯзбекистон) нақши комиссарро иҷро мекунанд.
Бозиҳои қаҳрамонии CAFA-2022 миёни дастаҳои занонаро доварон аз панҷ кишвар – Тоҷикистон, Эрон, Ӯзбекистон, Қирғизистон ва Туркманистон ҳакамӣ мекунанд. Дар ин мусобиқот кишвари моро довари ФИФА Нодира Мирзоева ва ёвари довари ФИФА Дилшода Раҳмонова намояндагӣ мекунанд.
Дар маҷмуъ, дар доираи чемпионати CAFA-2022 миёни дастаҳои занона даҳ бозӣ баргузор мешавад. Ҳама бозиҳо дар Варзишгоҳи марказии Душанбе доир мешаванд.
Тибқи низомнома чемпионати Ассотсиатсияи футболи Осиёи Марказӣ байни дастаҳои занона аз рӯйи системаи даврӣ дар як марҳила сурат мегирад. Дастаи ғолиб аз рӯйи шумораи бештари холҳо муайян карда мешавад.
Чемпионати CAFA-2022 байни дастаҳои миллии занона
Иштирокчиён: ТОҶИКИСТОН, Ӯзбекистон, Эрон, Қирғизистон, Туркманистон.
Даври 1
8 июл (ҷумъа)
19:00 – Қирғизистон – Эрон
22:00 – Туркманистон – ТОҶИКИСТОН
Даври 2
11 июл (душанбе)
19:00 – Туркманистон – Қирғизистон
22:00 – ТОҶИКИСТОН – Ӯзбекистон
Даври 3
14 июл (панҷшанбе)
19:00 – Ӯзбекистон – Туркманистон
22:00 – Эрон – ТОҶИКИСТОН
Даври 4
17 июл (якшанбе)
19:00 – Эрон – Туркманистон
22:00 – Қирғизистон – Ӯзбекистон
Даври 5
20 июл (чоршанбе)
19:00 – Ӯзбекистон – Эрон
22:00 – ТОҶИКИСТОН – Қирғизистон