Дастаи мунтахаби наврасони то 17-солаи Тоҷикистон таҳти роҳбарии сармураббӣ Марко Раҷини барои иштирок дар Ҷоми ҷаҳон-2025 ба Қатар омад.
Ҳайати дастаи моро ҳангоми расидан ба Фурудгоҳи байналмилалии Давҳа намояндагони кумитаи тадорукоти маҳаллӣ ва Сафири Фавқулодда ва Мухтори Ҷумҳурии Тоҷикистон дар Давлати Қатар Нурмурод Маҳмадалӣгарм истиқбол гирифтанд. Роҳбари намояндагии дипломатӣ ба бозигарони мо муваффақият ва намояндагии шоистаи кишварро дар арсаи ҷаҳонӣ таманно кард.
Дастаи наврасони Тоҷикистон аввалин бозии худро дар марҳилаи гурӯҳӣ рӯзи 5 ноябр бо ҳамтоёни худ аз Чехия анҷом медиҳад.