Рӯзи 5 апрел дар Варзишгоҳи марказии Ҳисор бозиҳои якуми даври аввали марҳилаи интихобии мусобиқоти футболи бонувон барои Бозиҳои олимпӣ-2024 дар гурӯҳи «Е» баргузор шуданд.
Дастаи занонаи Тоҷикистон дар даври аввал аз тими Ҳонконг бо ҳисоби 0:3 шикаст хӯрд. Дар бозии дигар фаворити асосии гурӯҳ, тими Филиппин, ки имсол дар Ҷоми ҷаҳон-2023 ширкат мекунад, бар тими Покистон бо ҳисоби бузурги 4:0 пирӯз шуд.
Бозиҳои даври дуюм рӯзи 8 апрел баргузор мешаванд. Дар ин рӯз, соати 16:00 бозии дастаҳои мунтахаби Покистону Ҳонконг оғоз шуда, баъдан соати 19:00 футболбозони Тоҷикистону Филиппин вориди майдони Варзишгоҳи марказии Ҳисор мешаванд.
Даври якуми марҳилаи интихобии мусобиқаи футболи бонувон барои Бозиҳои олимпӣ-2024
Даври аввали интихобӣ
Гурӯҳи «Е». Даври 1
Ҳонконг – ТОҶИКИСТОН – 3:0
5 апрел. Ҳисор. Варзишгоҳи марказӣ. 100 тамошобин.
Филиппин – Покистон – 4:0
5 апрел. Ҳисор. Варзишгоҳи марказӣ. 100 тамошобин.