Нимҳимоятгари тими миллии Тоҷикистон Эҳсони Панҷшанбе фаъолияти худро дар Суперлигаи Ӯзбекистон идома медиҳад.
Эҳсони Панҷшанбе ҳамчун бозигари озод ба «Суғдиёна»-и Ҷиззах гузашт. Охирин бошгоҳи Эҳсон «Истиқлол»-и Душанбе буд, ки соли гузашта бо ин даста барандаи чемпионат ва Суперҷоми Тоҷикистон шуд.
Эҳсони Панҷшанбе дар «Суғдиёна» якҷо бо ҳимоятгари тими миллии Тоҷикистон Зоир Ҷӯрабоев баромад хоҳад кард.
Қаблан Эҳсони Панҷшанбе бо пироҳанҳои бошгоҳҳои «Вахш», «Барқчӣ», «Истиқлол», «Навбаҳор» (Ӯзбекистон) ва «Зуб Оҳан» (Эрон) бозӣ кардааст.
Эҳсони Панҷшанбе аз соли 2016 дар ҳайати тими миллии Тоҷикистон ҳунарнамоӣ карда, дар 57 бозӣ панҷ гол задааст.