Дар даври дуюми мусобиқаи байналмилалии «Continental Futsal Championship 2021» дар Бангкок мунтахаби миллии футзали Тоҷикистон дар гурӯҳи «В» бо қаҳрамони дувоздаҳкаратаи Осиё – мунтахаби миллии футзали Эрон вохӯрд. Вохӯрӣ пурра бо бартарии миллипӯшони футзали Эрон сурат гирифта, бо ҳисоби 7 ба 0 ба фоидаи онҳо анҷом ёфт.
Дар бозии дигари гурӯҳи “В” Литва бо ҳисоби 4:2 мунтахаби футзали Мисрро мағлуб кард.
Баъд аз ду даври бозиҳо миллипӯшони футзали Эрон бо 6 имтиёз дар садри ҷадвали гурӯҳи “В” қарор доранд. Дастаҳои Литва ва Миср бо 3 имтиёзӣ, мутаносибан мақомҳои дуюму сеюмро ишғол мекунанд. Миллипӯшони футзали кишвари мо бидуни имтиёз дар зинаи чаҳоруми ҷадвал қарор дорад.
Дар даври ҷамъбастии мусобиқа, ки пагоҳ, 27-уми июл баргузор мешавад футзалбозони мо бо тими Литва бозӣ мекунанд. Ин бозӣ соати 8:30 ба вақти Душанбе оғоз мешавад.
Мусобиқаи байналмилалии «Continental Futsal Championship 2021» дар Бангкок
Гурӯҳи «В»
Даври 1-ум
Миср – ТОҶИКИСТОН – 1:0
Эрон – Литва – 5:0
Даври 2-юм
Литва – Миср – 4:2
ТОҶИКИСТОН – Эрон – 0:7
| Б | Ғ | М | Б | Т/Т | И | ||
| 1 | Эрон | 2 | 2 | 0 | 0 | 12-0 | 6 |
| 2 | Литва | 2 | 1 | 0 | 1 | 4-7 | 3 |
| 3 | Миср | 2 | 1 | 0 | 1 | 3-4 | 3 |
| 4 | ТОҶИКИСТОН | 2 | 0 | 0 | 2 | 0-8 | 0 |
Дар даври 3-юм вомехӯранд:
27 июл (сешанбе)
8:30 – ТОҶИКИСТОН – Литва
10:45 – Эрон – Миср