Рӯзи панҷшанбеи 11 феврал, марҳилаи ниҳоии Ҷоми Федератсияи футболи Тоҷикистон-2021 оғоз мегардад. Бозиҳои мусобиқа дар варзишгоҳҳои марказии шаҳрҳои Душанбе ва Ҳисор баргузор хоҳанд шуд.
Дар арафаи оғози мусобиқа, имрӯз 8 феврал, дар маҷлисгоҳи ФФТ қуръакашӣ ва мураттабгардонии тақвими бозиҳои марҳилаи ниҳоии Ҷоми Федератсия-2021 баргузор гашт. Дар марҳилаи ниҳоии Ҷоми ФФТ-2021, ки аз 11 то 20 феврал баргузор мешавад ҳафт даста иштирок мекунанд.
Гурӯҳи “А” аз дастаҳои КМВА (Душанбе), «Равшан» (Кӯлоб), «Мастчоҳ» (Мастчоҳ) ва «Истиқлол» (Душанбе) иборат аст. Гурӯҳи “Б”-и мусобиқаро бошад дастаҳои «Барқчӣ» (Ҳисор), «Хатлон» (Бохтар) ва «Регар-ТадАЗ» (Турсунзода) ташкил доданд.
Тибқи низомномаи Ҷоми Федератсия-2021 аз ҳар гурӯҳ ду дастаӣ ба бозиҳои ниманиҳоӣ роҳ меёбанд. Бозии ниҳоии Ҷоми Федератсия-2021 рӯзи 20 феврал баргузор хоҳад шуд.
Дар даври аввали бозиҳо, ки рӯзи 11-уми феврал баргузор мешаванд КМВА бо “Истиқлол”, “Равшан” бо “Мастчоҳ” ва “Барқчӣ” бо “Хатлон” вомехӯранд.
Ҷоми ФФТ-2021. Марҳилаи ниҳоӣ
Гурӯҳи «А»
КМВА (Душанбе)
«Равшан» (Кӯлоб)
«Мастчоҳ» (Мастчоҳ)
«Истиқлол» (Душанбе)
Гурӯҳи «Б»
«Барқчӣ» (Ҳисор)
«Хатлон» (Бохтар)
«Регар-ТадАЗ» (Турсунзода)
Тақвими бозиҳо
Даври 1-ум
11 феврал (панҷшанбе)
Гурӯҳи «А»
КМВА – «Истиқлол»
«Равшан» – «Мастчоҳ»
Гурӯҳи «Б»
«Барқчӣ» – «Хатлон»
Даври 2-юм
13 феврал (шанбе)
Гурӯҳи «А»
«Истиқлол» – «Мастчоҳ»
КМВА – «Равшан»
Гурӯҳи «Б»
«Регар-ТадАЗ» – «Хатлон»
Даври 3-юм
15 феврал (душанбе)
Гурӯҳи «А»
«Равшан» – «Истиқлол»
«Мастчоҳ» – КМВА
Гурӯҳи «Б»
«Барқчӣ» – «Регар-ТадАЗ»