КМВА-и Душанбе чорумин дастае шуд, ки аз марҳилаи пешакӣ дар минтақаи Душанбе ба бозиҳои марҳилаи ниҳоии Ҷоми Федератсия-2021 роҳхат гирифт.
Бозиҳои даври ҷамъбастӣ дар гурӯҳи “А”-и минтақаи душанбегии Ҷоми ФФТ-2021 рӯзи чоруми феврал баргузор шуданд. Бозӣ байни дастаҳои КМВА ва “Регар-ТадАЗ” бо ҳисоби баробари 2 бар 2 анҷом ёфта, “Локомолтив-Помир” бо ҳисоби калони 5 бар 2 “Шоҳмансур”-ро шикаст дод.
Ба ин тартиб, аз минтақаи Душанбе аз гурӯҳи “А” ба марҳилаи ниҳоии Ҷоми Федератсия-2021, ки дар шаҳри Душанбе баргузор мегардад, дастаҳои “Регар-ТадАЗ” ва КМВА, аз гурӯҳи “Б” бошад дастаҳои “Истиқлол” ва “Барқчӣ” роҳ ёфтанд.
Имсол минтақаи Хатлонро дар марҳилаи ниҳоии Ҷоми Федератсия-2021 дастаҳои “Хатлон”-и Бохтар ва “Равшан”-и Кӯлоб, минтақаи Суғдро бошад дастаҳои “Эсхата-2”-и Хуҷанд ва “Мастчоҳ”-и Мастчоҳ намояндагӣ мекунанд.
Ҷоми Федератсияи футболи Тоҷикистон-2021
Марҳилаи пешакӣ. Минтақаи Душанбе
Гурӯҳи «А». Даври 5-ум
КМВА – «Регар-ТадАЗ» – 2:2
Голҳо: Амин Эргашев, 9 (0:1). Фирӯз Бобиев, 65 (1:1). Фирӯз Бобиев, 89 – аз пеналти (2:1). Акбар Бобомуродов, 90+1 (2:2).
Аз майдон хориҷ шуд: Алишер Шарипов («Регар-ТадАЗ»), 77 – корти 2-юми зард.
«Шоҳмансур» – «Локомотив-Помир» – 2:5
Голҳо: Умед Бадалов, 20 (1:0). Муҳаммад Саломзода, 41 (1:1). Чунуно Окиа, 46 (1:2). Зиёдулло Одинаев, 53 (2:2). Меҳроб Азимов, 74 (2:3). Чунуно Окиа, 77 (2:4). Чунуно Окиа, 88 (2:5).
| Б | Ғ | М | Б | Т/Т | И | ||
| 1 | «Регар-ТадАЗ» (Турсунзода) | 4 | 3 | 1 | 0 | 11-6 | 10 |
| 2 | КМВА (Душанбе) | 4 | 2 | 2 | 0 | 10-5 | 8 |
| 3 | «Кӯктош» (Рӯдакӣ) | 4 | 2 | 1 | 1 | 10-4 | 7 |
| 4 | «Локомотив-Помир» (Душанбе) | 4 | 1 | 0 | 3 | 10-14 | 3 |
| 5 | «Шоҳмансур» (Душанбе) | 4 | 0 | 0 | 4 | 3-15 | 0 |