Дастаи мунтахаби футболи занонаи Тоҷикистон имрӯз, 29 сентябр, бозии ҷамъбастии худро дар марҳилаи интихобии қаҳрамонии Осиё-2022 дар гурӯҳи “В” анҷом медиҳад.
Дар ин вохӯрӣ дастаи мунтахаби миллии футболи занонаи Ветнам рақиби тими мо хоҳад буд. Барои ба марҳилаи ниҳоии қаҳрамонии Осиё-2022 роҳ ёфтан тими миллии Тоҷикистонро дар вохӯрии имрӯза танҳо пирӯзӣ қонеъ хоҳад кард.
Бозии Ветнам – Тоҷикистон дар Варзишгоҳи марказии Душанбе баргузор шуда, соати 18:00 оғоз мешавад. Вурудшавӣ ба варзишгоҳ роёгон аст.
Марҳилаи интихобии қаҳрамонии Осиё-2022 байни мунтахабҳои футболи занона
Гурӯҳи «В». Даври 2-юм
29 сентябр (чоршанбе)
Оғози бозиҳо – соати 18:00
Ветнам – ТОҶИКИСТОН
Душанбе, Варзишгоҳи марказии ҷумҳуриявӣ